EL PROGRESO/A MARIÑA
José Bello Lagüela: ''Voume de Viveiro con moita pena e cóstame o cambio, pero estou disposto a afrontalo''
07/09/2013 - Cristina L. Felipe / El Progreso (Viveiro)
O sacerdote da parroquia vivariense de Santiago recorda a súa traxectoria polas sete comunidades nas que estivo e os trece anos que leva na cidade do Landro, durante os cales quixo animar ás confrarías da Semana Santa e viu como rexurdía a confraría da Virxe do Carme, creada en 1679 e que estaba inactiva.
JOSÉ BELLO estivo ao longo da súa traxectoria como sacerdote en sete parroquias distintas e de todas marchou con moita pena polo cariño que tiña aos fregueses. Agora, con 77 anos e 53 deles como cura, acaba de serlle encomendada unha nova tarefa, xa que se incorpora como reitor do Seminario de Mondoñedo. Con motivo da súa marcha onte houbo unha misa de homenaxe en San Francisco, a parroquia vivariense á que adicou os últimos trece anos.
Leva moitos anos no sacerdocio.
Ordeneime en Vilalba en 1960 e o primeiro destino que tiven foi na parroquia das Angustias en Ferrol. Despois tiven que ir para dúas parroquias cerca de Castroverde e estiven moi contento. A aldea gústame moito e daquela podíanse facer cousas; alí fixemos un Via Crucis compartido, con sete estacións nunha parroquia e sete na outra, predicando a pleno pulmón porque non había altavoces.
Cal foi o seguinte destino?
Logo estiven 18 anos na parroquia de San Nicolás en Neda, que levo moito no corazón. Ademais teño familiares alí, a xente queríame moito e eu queríalles moito. Despois trasladáronme a Vilalba e logo a Foz, onde estiven dez anos durante os que me nomearon vicario episcopal para a zona de Lugo. A continuación estiven oito anos en Ribadeo, onde se logrou reanimar moito a Semana Santa.
CONTÍNUA LEYENDO ESTA ENTREVISTA EN EL SIGUIENTE ENLACE:http://elprogreso.galiciae.com/nova/275375-jose-bello-lagela-voume-viveiro-moita-pena-costame-cambio-disposto-afrontalo?lang=es
0 comentarios:
Publicar un comentario