Cofrades de Viveiro: As imaxes da Semana Grande...

lunes, 5 de marzo de 2012

As imaxes da Semana Grande...

05/03/2012 - Marina Delgado/El Progreso (El Progreso - A Mariña)

A PRESENTACIÓN do cartel da Semana Santa vivariense e a entrega dos premios ao segundo, Germán Paleo, e terceiro clasificado, David Catá, ambos de Viveiro, tras a renuncia ao premio da gañadora, a madrileña Laura Font, que renunciou ao galardón «por un problema alleo ao concurso», concitaron onte a atención dun bo número de veciños no salón multiusos do concello. O xurado decidiu manter a obra gañadora como cartel oficial da Paixón para este ano ao valorar a beleza e expresividade da imaxe presentada como Santa Veneración. O presidente da organización, José Veiga, anunciou que a próxima semana, con apoio da oficina de turismo, distribuiranse máis de mil carteis por España e o estranxeiro. Tamén se fai unha tirada limitada co logotipo do Centro Comercial Centro histórico para agradecer a súa colaboración. Veiga tamén agradeceu o respaldo económico do Concello e a cesión do novo local en San Francisco, «que dignifica a Paixón» de Viveiro, así como o apoio da Deputación, que custea a carpa antesala do museo e recoñece o valor da celebración. O alcalde, Melchor Roel, eloxiou o traballo desinteresado das confrarías para manter este aceno de identidade. O acto serviu así mesmo para dar a coñecer o trivial sobre a Semana Santa, creado por Antonio Navarrete. O xogo, con 1025 preguntas sobre seis temas (confrarías, cultos, historia, personaxes, imaxes e igrexas) xa pode practicarse no blogue www.adavila/semanasanta. A Xunta de Confrarías creará un enlace para acceder desde a súa páxina web.