jueves, 25 de abril de 2013

Opinión: Os de Viveiro...


Aquí os mostramos un artículo de opinión publicado en el portal Galicia Dixital...



Os de Viveiro


lunes, 22 de abril de 2013


Son especiais as xentes de Viveiro, no estremo occidental da costa lucense, xa preto das terras coruñesas, habitantes da capital dunha ben ampla zona turística que teñen unha especial querencia pola súa terra manifestada do xeito máis amplo e coas expresións máis variadas.

Se se trata de facer festa profana un pode escoller a Viveiro no Antroido para participar nun dos máis orixinais e vivos antroidos da costa, comprobar no verán o por que a Viveiro se lle chama a “cidade que sempre ri”, andar de troula nas súas multitudinarias festas patronais ou contemplar atónito o magnífico espectáculo da Mostra Internacional de Folclore que Bágoas da Terra organiza –in crescendo- o primeiro fin de semana de agosto desde hai trinta e catro anos.

E se se trata de festa relixiosa, en Viveiro viven unha das mellores Semanas Santas de Europa, como se ven de demostrar coa súa designación como “De interese turístico internacional”.

Levaban moito tempo teimando nesta declaración, e primeiro foi de interese galego e logo nacional esta Semana Santa que arranca na idade media cando os Franciscanos asentaron en Viveiro, e foi manténdose, e no último medio século medrando de xeito esplendoroso.

O resultado aí está: a primeira Semana Santa do norte de España que é declarada de interese turístico internacional. Porque non hai máis aló, que se non – como di o vello dito portugués- se máis aló houbera, máis aló chegarían os de Viveiro.

Noraboa, Viveiro, por esa Semana Santa. ¡E por esa xente!.







0 comentarios:

Publicar un comentario

ShareThis